عزيزى مـزآرع المـآنجو (1)

عزيزي مزارع المانجو
خلى بالك:
المناخ والتحول الحرارى وفروق درجات الحرارة بين الليل والنهار هى العامل الاول المحدد لموعد التزهير فى المنطقة..
محصول المانجو كله بيتحدد بناء على شغلك وتعبك خلال فترة التزهير والعقد شهور فبراير ومارس وابريل.. لو كسلت او استخصرت مش هتلاقي محصول..
مفيش حاجة ممكن تعمل تغيير فى تفكير الشجرة سواء تزهير او نمو خضرى الأشجار واخده قرار نهائي من شهر نوفمبر الماضى لكنها تنتظر المناخ المناسب لنوع النمو (خضرى او زهرى) على حسب نسبةال C/N ratio
البياض الدقيقى ولفحة الأزهار هما العدو الفطرى الذى يجب أن تعمل على تفاديه ومكافحته..
ظبط معدلات الرى والتسميد خلال فترات التزهير والعقد والتحجيم من أهم العوامل الحاسمة لنجاح مزرعتك...
أى شجر صغير (نشاوى) ممنوع تقرب منه بقص أفرع أو شماريخ إلا خلال شهر أبريل ومايو.. أى شغل فيه قبل كده هتحفزه للتزهير تانى (سيبه لبعد انتهاء فترة التزهير والعقد(
العفن الهبابى كارثة فى المزارع المهملة.. وافضل علاج تحسين تهوية الشجرة وفتح قلبها للشمس بالتقليم الجيد وتقليل درجة رطوبة التربة بظبط معدل الرى.. لما تعمل دوول اشتغل رش للحشرة القشرية والبق الدقيقى (حشرى مع زيت) ثم اغسل بصابون بوتاسي مرتين..
التكتلات الزهرية والخضرية لها علاقة مباشرة باعفان الجذور وفطر الفيوزاريوم..
الكبريت الميكرونى ساحر الوقاية والعلاج لامراض المانجو الفطرية بس خلى بالك مترشش كبريت ميكرونى فى الحر.. ولا تخلطه مع الزيت او الأحماض الامينية..
أى مبيد فطرى حتى لو ضعيف اخلطه فى الرش مع البوتاسيوم فوسفيت هيديلك نتائج ترضيك..
الشمراخ الزهرى بيطلع على فرع عمره 6 إلى 8شهور.. يعنى شوف ميعاد التزهير الطبيعى فى منطقتك إيه وارجع للخلف 6-8شهور ودا ميعاد التقليم المناسب.. للتجهيز لمحصول العام التالى (فى الغالب شهور يونيو ويوليو واغسطس(
تطعيم وتجديد شباب الأشجار القديمة أو قليلة المحصول هدف قوى لازم تتبناه فى مزرعتك.. ومتخليش حد يجرب فيك (ادى العيش لخبازه(
الذباب المنزلى وحشره التربس (بالاعداد البسيطة) من اقوى الملقحات فى المانجو.. والنحل ملوش تأثير كبير فى التلقيح..
تحويل مزارع الرى بالغمر إلى رى بالتنقيط ضرورة ملحة..بس لازم يتم على مراحل مش مرة واحدة..
برنامج التسميد بتاع جارك أكيد مينفعش فى أرضك.. كل ارض ليها ظروفها..
أفضل من يعطيك النصيحة هو المهندس او الاستشارى الذى يتابع مزرعتك...
وللحديث بقيه.. ان شاء الله
م/ كرم سليمان