”استلام الكتاكيت” .. الخطوة 11 من حملة ”ڨيت مديكا” .. يوميات مربي دواجن ـ شتاء 2020 .. لضمان بيع آمن ومربح

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الحادية عشرة، وهي "استلام الكتاكيت":

انهارده هنبتدي ماراثون النفس الطويل عايزين نركز في ال 5 أسابيع اللي جايين في كل التفاصيل عشان ربنا يكرمنا بفراخ تتباع من غير تعب ان شاء الله

#استقبال_الكتاكيت

هنستقبل الكتاكيت على علف و مياه

قبل ما دفعة الكتاكيت توصل بساعة هتكون حاطط العلف و هنقول ازاي, و سقوة أڨيبوست تونيك في المساقي

و بنأكد تاني أڨيبوست تونيك هو البداية الصحيحة ... ليه أڨيبوست تونيك ؟

لأننا ببساطة مش محتاجين حاجة تاني معاه في التحضين

أڨيبوست تونيك

من انتاج شركة باير الالمانية

الوحيد المسجل انه بيحتوي على نيوكلوتايد و دي وحدة بناء الخلية و النيوكلوتايد موجودة بتركيز عالي يساعدك تقطع شوط كبير في بناء الخلايا و الاجهزة الحيوية للكتكوت في فترة التحضين

يحتوي على ليسين و ميثيونين و أحماض أمينية و أحماض دهنية بتركيزات عالية

يحتوي على فيتامينات A, D3, E, K, B1, B2, B6& B12

و بيوتين و نياسين و حمض الفوليك و فيتامين C

بتركيزات عالية و كل فيتامين فيهم مهم جدا للطائر في بداية حياته عشان ماتحصلش معانا مشكلة في نقص احد الفيتامينات المهمة

و كمان كل العناصر و المعادن اللي الكتكوت محتاجها في الفترة الأولى من الدورة (ايودين, سلينيوم, كوبالت, منجنيز, زنك و نحاس) بتركيزات عالية فتنسى خالص مشاكل نقص العناصر و الاملاح

بالاضافة الى أملاح الصوديوم و البوتاسيوم و المنجنيز اللي بتعمل في منظومة ضد الاجهاد على الطائر

الأهم طريقة تصنيعه مصنع بتكنولوجيا النانو و دا بيديله ميزة الامتصاص جوا جسم الطائر بنسبة 100% يعني كأنك حاقنه بالظبط

جرعة أڨيبوست تونيك 2 سم على لتر الماء 8 ساعات يوميا لمدة أول 5 ايام من حياة الطائر

اتأكد و انت بتستلم الكتكوت ان أڨيبوست جيل في الأقفاص و الكتاكيت بتاكل في الاقفاص و هنحط لينك افيبوست جيل في أول كومنت عشان نراجع معلوماتنا

- وزن الكتكوت : وزن الكتكوت عمره ما كان دليل رئيسي بيحدد أداء الكتكوت في دورة التسمين لكن أهم شيء هو الحيوية و عموما بنقول المتوسط 42 جرام لو اقل أو أزيد مش مشكلة تماما أهم حاجة هنتعامل مع المصنع دا ازاي في التربية

علامات حيوية الكتكوت الجيد:

- خالي من التهابات السرة و دي قلنا نسيطر عليها ازاي في بوست التغذية المبكرة قبل كدا

- خالي من التهابات مفصل الرجل

- كتكوت غير جاف و غير مجهد و عنيه لامعة

- لون المنقار و الارجل (مش الريش) مصفر و مافهمش تشوهات (ممكن تلاقي كام كتكوت في الدفعة بمنقار معووج او 3 رجول استبعدهم دول عدوا من الفرز ماتقلقش منهم)

- تجانس في أحجام الكتاكيت (يعني الدفعة مافهاش كتاكيت مفرودة و كتاكيت بلي صغيرة)

- اقبال الكتاكيت عالعلف و الماء و دا طبعا هيبان قوي لو كانوا بياكلوا أفيبوست جيل في الأقفاص

أهم نقط في التحضين ناخد بالنا منها

نزود المساحة العلفية للكتاكيت على قد ما نقدر لان التحويل في الاسبوع الاول ببلاش

أطباق و مساقي التحضين 30 طبق و 30 مسقى للألف طائر

و نفرش ورق كرتون على الفرشة و نحط عليه العلف عشان نزود مساحة التعليف أكثر

درجة الحرارة : يفضل الموصى بها من السلالة و هي تتراوح في السلالات بين 29 الى 32 درجة مئوية

ماتزودش الحرارة زيادة عن اللزوم عشان الكتاكيت ماتجهدش و خصوصا ان هي مش هتقددر تتعامل مع الحرارة العالية أو المنخفضة لأن لسه مركز تنظيم الحرارة ماكتملش في المخ

الرطوبة النسبية ماتقلش عن 60:70%

في حالة اننا مش قادرين نوصلها للنسبة دي ممكن وضع أطباق ماء جنب الهياتر او الدفايات لزيادة الرطوبة عن طريق تبخير المياه

يفضل ناخد عينة و نروح لمعمل الاستشاري مشرف المزرعة انهارده عشان نعمل اختبار الحساسية اللي بيه يقدر يحددلنا نوع المضاد الحيوي المناسب للبكتيريا الموجودة في كتاكيتنا

يللا كل واحد يقول ايه أول حاجة بيعملها و هو بيستقبل الكتاكيت غير اننا بنقف في اول الحجازة و نقول صلي صلي صلي واحد واحد واحد عشان نفرح بالكتاكيت و هي بتجري و نتأكد من حيويتها ؟

 

نتقابل البوست الجاي في

يوميات مربي دواجن

شتاء 2020