مبارك يكشف سرا عن حسين سالم لأول مرة

نشر كريم حسين، أدمن صفحة أنا آسف ياريس المقربة من الرئيس الأسبق حسني مبارك، أسرار زيارة رجال الأعمال حسين سالم إلى "مبارك" قبل تركه الحكم.

  وقال حسين خلال صفحته على موقع التواصل الاجتماعي "فيس بوك":" الرئيس مبارك وهو بيكلمنا عن شرم الشيخ كان بيقولنا كانت عبارة عن صحراء ومافيش فيها حتي مطارات كنت بروح أنا ورجال الأعمال نبات في أكشاك في عز البرد مكناش لاقيين حتي لوكندات كويسة نبات فيها"  

وتابع: "وفي أوائل التمنينات كنت بتحايل علي رجال الأعمال يا فلان تعالي استثمر هنا يقولي لا يا علان تعالي استثمر هنا يقولي لا، لحد ما جيت عند حسين سالم وقولتله يا حسين تعالي استثمر هنا فقالي ياريس مجنون مين اللي يرمي فلوسه في حتت الصحراء دي قولتله تعالي بس خد حتت الأرض دي وأنا هدخلك ليها المية و الكهرباء من عندي و كمان مش هطلب منك ضرايب".  

وأضاف: "فوافق حسين سالم وراح جايب اللوادر بتاعته وعماله وبني هناك أول فندق وشجع كل رجال الأعمال أنهم يجيوا و يستثمروا جنبه ولحد ما بقت شرم الشيخ اللي كلنا و العالم كله يعرفها دلوقتي من بعد ما كانت حتت صحراء ملهاش قيمة !".  

وكان قد أعلن جهاز الكسب غير المشروع، التوصل للصيغة النهائية للتصالح مع رجل الأعمال حسين سالم، مقابل رد 5.8 مليار جنيه، إلى الدولة.