الجمعة 29 مارس 2024 مـ 07:39 صـ 19 رمضان 1445 هـ
موقع الأرض
رئيس مجلس الإدارةخالد سيفرئيس التحريرمحمود البرغوثيالمدير العاممحمد صبحي

يعني إيه كلية زراعة؟

واحنا داخلين على تنسيق دخول الجامعات .. وقبل ما يحصل "ضجة" ان كلية الزراعة هتاخد اكثر من من 92% ....
طب اسمع بقه ...
أيه هي "كلية الزراعة" ... ويعني أيه تكون مهندس زراعي؟ ويعني أيه باحث زراعي ...
#كلية_الزراعة ... Agric- Faculty
كلية ابناء البشوات "سابقاً" .. وكلية أبناء البلد "حالياً" ...!!
** الكلية اللى بتدرس فيها تقريبا كل "العلوم البيولوجية " ... بتدرس فيها علم الاجتماع - علم الاقتصاد - علم الميكانيكا - علم الفيزياء - ...الخ.
** الكلية الغنية بتخصصاتها الكتير "قوي" ﺍﻟﺴﻴﺘﻮﻟﻮﺟﻴﺎ ﻭﺍﻟﻮﺭﺍﺛﺔ ﺍﻟﺴﻴﺘﻮﻟﻮﺟﻴﺔ وﺍﻟﻮﺭﺍﺛﺔ ﺍﻟﺒﻴﻮﻣﺘﺮﻳﺔ وﻭﺭﺍﺛﺔ ﺍﻟﻜﺎﺋﻨﺎﺕ ﺍﻟﺪﻗﻴﻘﺔ وﺍﻟﻮﺭﺍﺛﺔ ﺍﻟﺤﺪﻳﺜﺔ ﻭﺍﻟﺘﻜﻨﻮﻟﻮﺟﻴﺎ ﺍﻟﺤﻴﻮﻳﺔ و ﺯﺭﺍﻋﺔ ﺍﻟﺨﻼﻳﺎ ﻭﺍﻻﻧﺴﺠﺔ ،
وكمان تخصصات ﺍﻟﻜﻴﻤﻴﺎﺀ ﺍﻟﺤﻴﻮﻳﺔ وﺍﻟﺘﺤﻠﻴﻞ ﺍﻟﻜﻴﻤﻴﺎﺋﻲ ﺍﻷﻛﺎﺩﻳﻤﻲ ﻭﺍﻟﺘﻄﺒﻴﻘﻲ في ﺍﻷﻏﺬﻳﺔ ﻭﺍﻻﺩﻭﻳﺔ وتخصصات نشأة وتكوين وتصنيف وحصر التربة والخواص ﺍﻟﻜﻴﻤﻴﺎﺋﻴﺔ ﻭﺍﻟﻔﻴﺰﻳﺎﺋﻴﺔ ﻭﺍﻟﺨﺼﻮﺑﻴﺔ ﻷﻧﻮﺍﻉ ﺍﻷﺭﺍﺿﻲ ﺍﻟﻤﺨﺘﻠﻔﺔ ﻭﻛﻤﺎﻥ ﺗﺤﺪﻳﺪ ﺟﻮﺩﺓ ﺍﻻﺭﺽ ﻭﻋﻼﻗﺘﻬﺎ ﺑﺎﻟﻤﺎﺀ ﻭﺍﻫﺘﻤﺎﻡ ﺧﺎﺹ ﺑﺎﻻﺳﻤﺪﺓ ﻭﺗﻐﺬﻳﺔ ﺍﻟﻨﺒﺎﺕ ،
ﺩﺭﺍﺳﺔ ﺍﻟﺸﻜﻞ ﺍﻟﻈﺎﻫﺮﻱ ﻭﺍﻟﺘﺸﺮﻳﺤﻲ للنبات وﻓﺴﻴﻮﻟﻮﺟﻴﺎ ﺍﻟﻤﺤﺎﺻﻴﻞ ﻭﺟﻮﺩﺓ ﺍﻻﻟﻴﺎﻑ ﻭﻣﻘﺎﻭﻣﺔ ﺍﻟﺤﺸﺎﺋﺶ ﻭﺗﻜﻨﻮﻟﻮﺟﻴﺎ ﺍﻟﺒﺬﻭﺭ ،
دراسة ﺍﻟﻤﻴﻜﺮﻭﺑﻴﻮﻟﻮﺟﻴﺎ ﺍﻟﺰﺭﺍﻋﻴﺔ و ﺩﺭﺍﺳﺔ ﺍﻟﻔﻄﺮﻳﺎﺕ ﻭﺍﻟﺒﻜﺘﺮﻳﺎ ﻭﺍﻛﺘﺸﺎﻑ ﺍﺩﻭﻳﺔ ﻣﻦ ﺧﻼﻟﻬﻢ،
تخصصات ﺍﻣﺮﺍﺽ ﺍﻟﻨﺒﺎﺕ والحشرات الاقتصادية والزواحف والقوارض، دراسة ﺍﻻﻗﺘﺼﺎﺩ ﺍﻟﺰﺭﺍﻋﻲ وﺇﺟﺮﺍﺀ ﺍﻟﺒﺤﻮﺙ ﻭ ﺍﻟﺪﺭﺍﺳﺎﺕ ﻓﻰ ﺍﻗﺘﺼﺎﺩﻳﺎﺕ ﺍﻟﺰﺭﺍﻋﺔ ﺍﻟﻤﺼﺮﻳﺔ ﻓﻰ ﻧﻮﺍﺣﻲ ﺍﻹﻧﺘﺎﺝ ﻭ ﺍﻟﺘﻜاليف ﻭﺍﻟﺘﺴﻮﻳﻖ ﻭ ﺍﻟﺘﻤﻮﻳﻞ، ﺩﺭﺍﺳﺔ ﺍﻟﻤﺸﺎﻛﻞ ﺍﻻﻗﺘﺼﺎﺩﻳﺔ ﺍﻟﺘﻰ ﺗﻮﺍجه ﺍﻟﺘﻨﻤﻴﺔ ﺍﻟﺮﻳﻔﻴﺔ ﺍﻟﻤﺼﺮﻳﺔ ﻭﻭﺿﻊ ﺣﻠﻮﻝ ﻋﻠﻤﻴﺔ ﻟﻬﺎ، والرقابة ﻋﻠﻰ ﺍﻟﺼﺎﺩﺭﺍﺕ ﻭﺍﻟﻮﺍﺭﺩﺍﺕ واﺋﺘﻤﺎﻥ زراعي وﺗﺴﻮﻳﻖ ﺯﺭﺍﻋﻲ، وكمان ﺩﺭﺍﺳﺔ ﺍﻻﻏﺬﻳﺔ ﻭﺟﻮﺩﺗﻬﺎ ﻣﻦ ﻛﻞ ﺍﻟﻨﻮﺍﺣﻲ والرقابة ﻋﻠﻲ ﺍﻟﺠﻮﺩﺓ و التغذية العلاجية، و ﺩﺭﺍﺳﺔ ﺍﻻﻧﺘﺎﺝ ﺍﻟﺤﻴﻮﺍﻧﻲ ﻭﺍﻟﺪﺍﺟﻨﻲ ﻭﺍﻧﺘﺎﺝ ﺍﻻﻟﺒﺎﻥ ، وﺍﻟﺘﻄﺒﻴﻘﺎﺕ ﺍﻟﺘﻜﻨﻮﻟﻮﺟﻴﺔ ﺍﻟﻬﻨﺪﺳﻴﺔ وﻭﺣﺪﺍﺕ ﺍﻻﺩﺍﺀ ﺍﻟﻤﺰﺭﻋﻰ ﻣﻦ ﺗﺮﻛﻴﺐ ﻭﺻﻴﺎﻧﻪ ﻭﺗﺸﻐﻴﻞ ﻭعمليات ﺍﻟﻔﺮﺯ ﻭﺍﻟﺘﻌﺒﺌﺔ ﻭﺍﻟﻨﻘﻞ ﻭﺍﻟﺘﺼﻨﻴﻊ ﻣﺠﺎﻝ ﺍﻟﺘﺤﻠﻴﻞ ﻭﺍﻟﺘﺼﻤﻴﻢ ﺍﻟﻬﻨﺪﺳﻰ ﻟﻤﻨﻈﻮﻣﺔ ﺍﻻﻧﺘﺎﺝ ﺍﻟﺰﺭﺍﻋﻰ.... الخ ..
عشان كده كلية الزراعة تسمى منذ زمن بعيد بكلية الكليات Faculty of faculties وذلك لان منتسبيها يدرسون تخصصات كل الكليات التي بالجامعة تقريبا حيث يشمل الطيف الدراسي من المناخ مروراً بالاجتماع والاقتصاد وعلوم النبات والحيوان والكيمياء وانتهاء بالهندسه والجيولوجيا وعلوم الوراثه والاحياء الدقيقه والتغذيه ... خريج كلية الزراعه عباره عن جامعة متحركه على قدمين ....

يعني بتتخرج في تخصصات الدنيا كلها وبتكون في النهاية "مهندس زراعي" ...
طب يعني ايه؟
#المهندس_الزراعي ... Agro-ENG
ليه خريج كلية الزراعة .. يصنف انه "مهندس" زراعي ؟
طب ايه هي "الهندسة" ... هي علم يَبْحث في الخُطُوط والأَبْعاد والسُّطُوح والزَّوايا والكمِّيّات أو المقادير المادِّيّة من حَيث خواصُّها وقياسُها أَو تَقْويمها وعلاقة بَعْضها ببَعْض...
طب ايه علاقة "الهندسة" بالزرع والقلع ؟
**هقولكم ... النبات نفسه عبارة عن منظومة هندسية حية معقدة جدا .. والنمو فى النبات يسير وفق نموذج هندسي ثلاثي الابعاد (الطول والسمك والمادة الجافة) هو محصلة نواتج التفاعل بين "المدخلات" والمخرجات" وكل ما نعرفه عن هندسة النمو في النبات هو الحد الأدني من الحقيقة والواقع ...
طب أيه وظيفة المهندس الزراعي ؟؟
** هو من كُلف بتطوير وتنمية مواردنا الزراعية ..
** هو من أُستُأمن علي قوت وغذاء وارزاق وصحة الناس ...
** هو من وكِلّ إليه تعظيم إنتاجية الارض وتحسين غلتها ..
** هو من أًنِيب إليه استنباط الحلول لقطاعنا الزراعي ..
#الباحث_الزراعي ... Agro-RES
هو شخصية اعتبارية في اعلي مراتب العلم التجريبي ... ومن دونه اي كان موقعهم .. هم موظفون لتسهيل مهمته وتلبية احتياجاته ....
وليس مشكلته ابدا أنهم يجهلون حدود وظيفته ووظيفتهم ...
** طيب هديكم مثال واحد فقط ... خلال المناخ "الجو" بهذه لتغيرات المتلاحقة والتقلبات المتعاكسة ...واللى كان وهيكون لها تأثيرات أكيدة ... المفروض مين يفك لينا الاشتباك ده؟؟
** نروى ولا نستني؟ نسمد ولا نرش؟ طب نسمد بأيه ؟ أو نرش بأيه؟ نعزق ولا نفوت؟ نقصف ولا نشيح؟ نزرع دلوقتي ولا نستني شوية؟ نقلع دلوقتي ولا نصبر؟ نهوي البلاستيك ولا لأ وامتى وازاي؟ .... هيصة هيصة هيصة .. ودربكة
** نعمل ايه السمسم ؟ نصوم ولا نروي ؟ طب والخرشوف والمشمش والخوخ والمانجو والزيتون والفول ؟
** نعمل ايه فى الطماطم اللى بتنفل طيب ولا مش عاوزة تلون ؟
** نعمل ايه فى طماطم وكنتالوب والبطيخ ؟ ؟ والفلفل والباذنجان ؟؟
** نعمل ايه مع المانجو والزيتون والعنب والنخيل وباقي الفاكهة؟ نقلم ازاي ونطعم امتى والاصل ايه ؟ نسمد بايه ونروى ازاى ونرش ايه ؟؟ ....
** طب الفراولة والخرشوف والبصل والثوم ؟ طب الشمر والكمون واليانسون ؟ طب الحمص؟
** طب نزرع الذرة والارز هجين ايه او صنف ايه ونزرع امتى؟ طب وفول الصويا والسمسم وعباد الشمس نزرعهم امتى ونعمل ايه؟
** طب افضل السلالات ايه للانتاج الحيواني واخش بأية في التغذية وامتي تحصن وبأيه ؟ طب نعمل ايه في الحر أو البرد الشديد ؟
وكتير قوي !!
طب انت كمزارع أو مربي وعندك خبرة كبيرة وطويلة بتلف حوالين نفسك ليه ومتلخبط ليه ... مش كده ؟؟
يجي هنا بقه وظيفة "المهندس الزراعي" سواء كان باحث/دكتور/خبير ... بحكم انه "مهندس" ... يهندس ويمخمخ .. ويفك ليك الاشتباك ده ..(اقدر اقولكم وبصوت الواثق فى كل حرف ان "المهندس/الباحث الزراعي" هو القائد والبطل وبدونه وبجنوده (المزارعين والعمال الزراعيين) ... لا زرع ولا قلع ولا تصدير ولا تصنيع ولا اكل ولا شرب).