حلقات فنية وشرح ميداني بسيط يفيد المربين من أول يوم كتكوت إلى آخر يوم تسمين ترعاها IFT
”التنظيف الجاف” .. الحلقة الثانية في خطوات ”تطهير” العنابر ضمن حملة ”ڨيت مديكا” .. : ”يوميات مربي دواجن ـ شتاء 2020”
نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.
وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الثانية الخاصة بـ "التنظيف الجاف":
انهارده تاني خطوة من خطوات تطهير مزرعتنا باحترافية "التنظيف الجاف"
الغرض من الخطوة دي هو كشف العنبر قدامك عشان تقدر تسيطر على كل الحمل الميكروبي اللي عندك و تتخلص منه
و كل ما عرفت تكشف العنبر أكتر كل ما لقيت نتيجة أحسن
يللا حضر الكواريك و المقشات و الشكاير الفاضية عشان ماتعطلش على حاجة و تعالى نبتدي
أول حاجة هنرفع المساقى او خطوط النبل و نفضى المياه اللي في المواسير
نبدأ نشيل السبلة و نخرجها بره العنبر على عربيات السبلة
نكحت الأرضية و نكنس العنبر كويس جدا (الشقرفة) و خليك دايما فاكر و انت بتعمل الخطوة دي
ان التنظيف الجاف هو 50% من اتمام عملية التطهير الصحيحة
نغسل التانكات الخارجية "تانكات المياه و تانكات خلايا التبريد"
ننفخ و ننظف خلايا التبريد تنظيف جاف عشان نخرج منها أي بواقي عفار و سبلة
وماننساش
لو عندنا سايلوهات علف خارجية كمان نفضيها تماما و ننظفها كويس جدا
بعد ما نخلص كحت العنبر و كنسه هنرش مبيد حشري تاني.. المرة دي على أرضية العنبر مباشرة عشان نضمن ان المبيد وصل لكل جزء في شقوق العنبر و خباياه و دا للتأكد اننا قضينا على كل السوس و الحشرات الموجودة في العنبر نهائيا
هنقفل عنبرنا تاني غلق محكم عشان اللي مجاش بالمبيد امبارح ييجي انهارده
بعد ما تقفل العنبر هنبتدي نشيل بواقي السبلة اللي حوالين العنبر من بره مكان البياعة و نتأكد ان مفيش ذرة سبلة برا العنبر
ونركز على التخلص من بواقي العلف اللي حوالين العنابر عشان نقطع رجل أي طيور برية تنزل جوا المزرعة
غالبا مش هيكون في شغل تاني في اليوم دا لان العمال تعبانين من الدورة اللي فاتت و في ناس نزلت أجازة ف متحرجش نفسك و تطلب منهم حاجة تاني
ريح عمالك و نتقابل بكره في حلقة جديدة من
يوميات مربي دواجن
شتاء 2020
