”التطهير الخارجي” .. خطوة رابعة في حملة ”ڨيت مديكا” .. ”يوميات مربي دواجن ـ شتاء 2020”

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الرابعة ـ التطهير الخارجي :

خليك فاكر دايما ان المزرعة كلها وحدة واحدة و منظومة الأمن الحيوي مبنية على انك ماتسيبش ثغرة مفتوحة يدخللك منها المسبب المرضي
و عشان كدا لازم تتعامل مع كل وحدة جوا المزرعة بنفس الطريقة اللي اتعاملنا بيها مع العنابر
السلالم بين العنابر و السطوح في حالة العنابر الرأسية
مخزن أو مدشة العلف
صيدلية تخزين الأدوية
استراحات العاملين بالمزرعة بما فيها السراير و المكاتب و أي قطع أثاث و نركز عالحمامات و المطبخ عشان الحمل الميكروبي و المادة العضوية فيهم عالية
مخزن الصيانة و المعدات
مخزن النشارة
كل ملحقات المزرعة لازم نتعامل معاها بنفس الطريقة اللي عاملنا بيها العنابر

تطهير أرض المزرعة خارج العنابر
هنكنس أرض المزرعة كويس و نتأكد ان مفيش بواقي من الغسيل حوالين العنابر و في أرضية المزرعة
و في المزارع الكبيرة يفضل زيارة من اللودر للمزرعة عشان المساحة الخارجية بتكون كبيرة فتتأكد ان أرضية المزرعة مافهاش أي مخلفات من الدورة السابقة
و بعدها هنرش في أرضية المزرعة و حوالين العنابر و في أرضية العنابر مطهر و لازم و انت بتختار المطهر الخارجي تحديدا يكون مصمم للمهام الشاقة
و أفضل مطهر في السوق المصري مصمم للمهمة دي هو فارم فلويد اس
فارم فلويد اس بمعدل اضافة 5سم/لتر الماء

ليه بنقول مينفعش التطهير يخلو من فارم فلويد اس ؟
عشان فارم فلويد اس هو مجموعة من الفينولات المخلقة + مادة غروية ليها القدرة العالية للالتصاق بالسطح اللي بتترش عليه مع زمن تلامس قصير لا يتعدى ال 5 دقائق و تأثير طويل يمتد لأيام
رش فارم فلويد اس في ارضية العنابر
ليه قدرة عالية انه يعمل عازل بين الارض و اللي فوقيها
و كمان ليه القدرة على تثبيط حويصلات الكوكسيديا الموجودة في ارض العنبر من الدورة السابقة (عشان توفر وقتك و ماتتعبش نفسك في حرق أرضية العنابر للقضاء على حويصلات الكوكسيديا)
رش فارم فلويد اس في الارض حول العنابر
له قدرة على الالتصاق بالرمل و التربة الموجودة حوالين العنابر فبيمنع المسببات المرضية من الانتقال لداخل العنابر و بيقضي عليها
و هييجي دور فارم فلويد اس في الحفاظ على منظومة الأمن الحيوي أثناء الدورة

انت دلوقتي مزرعتك نظيفة تماما
و هنكمل بكره ان شاء الله ازاي توصل مزرعتك لأقل محتوى ميكروبي ممكن يسمحلك تستقبل كتاكيت بأمان

ماتنتساش تتصل بالعمال اللي واخدين أجازة عشان يبدلوا أجازات مع اللي شايلين المزرعة دلوقتي, احنا قربنا نسكن الكتاكيت و عايزين أول ما نيجي نستلم تكون المزرعة بكامل طاقتها من العمال, ترتيب و تنظيم الشغل في مشاريع الانتاج الحيواني من أهم أسباب النجاح

نتقابل البوست الجاي في
يوميات مربي دواجن
شتاء 2020

تابعونا عشان يوصلكم بوست كل يوم من فيت ميديكا