الجمعة 29 مارس 2024 مـ 07:14 صـ 19 رمضان 1445 هـ
موقع الأرض
رئيس مجلس الإدارةخالد سيفرئيس التحريرمحمود البرغوثيالمدير العاممحمد صبحي

السيسي: المشروعات اللي بنعملها مش على هوى شخصي.. في لجنة مشكلة مختصة

قال الرئيس عبدالفتاح السيسي «اللي بنعمله دلوقتي من زراعة واستصلاح الأراضي اتعمل في مصر على مدار 500 سنة علشان تزرع الأراضي دي في الدلتا القديمة، وجاي عاوز تعمله في 4 أو 5 سنين، دي حكاية كبيرة أوي اللي بتتعمل يامصريين، من فضلك متحطش رجل على رجل وتتكلم في مشروعات مخدتش حقها من الدراسات بشكل مستفيض من متخصصين واتجمعت في سياق فكري وعلمي وتخطيطي علشان يتم طرحها، يعني متآخدش حتة من ضمن السياق وتسيب الباقي، يعني سمعت من ضمن الكلام اللي كان بيتقال: "كنتو ركزتوا على التعليم الأولوية للتعليم"، وأنا مش جاي أرد دلوقتي.. أنا قولت قبل كدا هو أنتو في مصر كان ممكن تأجلو كل شئ وتخلو الأولوية للتعليم، وهو أمر مهم بس كان هيتحمل الناس في مصر ميكونش في كهرباء وطريق وترعة كويسة وإنتاج غذائي كويس، كنتو هتستحملو ده؟ علشان تعلمو أولادنا على مدى 14 سنة تعليم كويس ويكون كل موارد الدولة المحدودة تبقى في التعليم».

وأضاف الرئيس خلال افتتاحه مشروع مستقبل مصر، « هل المواطن في الشارع كان هيتحمل تبعات ده؟.. ده كلام مهم جدا لابد نآخد بالنا منه قبل مانطرحه على الناس ونعلم منه سياق لرأي عام، ونقول الرأي العام أنه في أولويات تانية، والكلام اللي اتعمل في مصر خلال الـ7 سنوات اللي فاتت كان فيه توفيق كبير جدا جدا من ربنا فيه، واتبنى مش على هوى شخصي والحكومة، ولكن اتعملت لجنة من كبار أساتذة الجامعة ورجال الدولة المعنيين بهذا الأمر وتم وضع تصور على بعضه علشان ننفذه علشان كل الكلام اللي يتعمل يحقق أهدافه لأنه مكانش ممكن نبني على خطوة يكون تحت منها مفيش أساس ليها».