عمرو أديب: شعب مصر ملهوش كتالوج.. بيتصل بالإسعاف عشان يعرف الرصيد

قال الإعلامي عمرو أديب، إن مرفق الإسعاف في مصر متميز، مضيفًا: "لا بيطلبوا فلوس ولا يقولك مساء الخير، وممكن ييجي ينقلك لمستشفى إنت عاوز تروحه وبيوصلك بسرعة، واحد يقوللي ده مرة كنت راكب إسعاف وحصل خطأ من سائق السيارة، وارد، بس في العموم المرفق جيد". وأضاف أديب، خلال تقديمه برنامج " كل يوم"، على قناة "أون إي"، أن المصريين ابتدعوا أشياءً غريبة مختلفة عن العالم أجمع، خاصة في التعامل مع الإسعاف، قائلًا: "الناس عشان يشوفوا الرصيد بتاعهم كام كانوا بيتصلوا بالإسعاف لأنه مش بياخد رصيد بس بيعرفوا الرصيد بعد المكالمة، حاجة دمها خفيف أوي". وتابع: "الشعب بتاعنا ملهوش كتالوج، مبهدل الإسعاف، يعني اللي يتكرم مرة ويعدي عربية الإسعاف يمشي وراها، رغم إن السير وراء سيارة الإسعاف في معظم الدول خطأ ومخالفة".