فيديو.. عم أحد الناجين لـ ”الإبراشي”: ”مشروعات السيسي خربت البلد”

فاجأ السيد حامد - عم أحد الناجين من حادث رشيد - الإعلامي وائل الإبراشي بالهجوم على نظام الرئيس عبد الفتاح السيسي ومشروع قناة السويس .

وقال "حامد" في مداخلة مع "الإبراشي": "الناس طافشة من الفقر يا باشا ، البلد بايظة، وقالوا قناة السويس هتجيب عائد مفيش عائد، والبلد كل يوم في انكسار ، الرئيس مش معتني بالبلد ، البلد بايظة ، حرام عليكم كدة البلد باظت ، قول للرئيس السيسي ينظم البلد لأنها خربانة ، وقالولنا قناة السويس ، واهي قناة السويس خربت البلد" حسب تعبيره.

وأضاف: "سيادة الرئيس عبد الفتاح السيسي قال عملنا القناة ومعانا مليارات وفي النهاية المشروع دة خرب البلد ". وقاطعه "الإبراشي": " طيب دي مسؤولية الحكومة ، لكن ايه اللي يخلي أسرة تسيب ابنها يرمي نفسه في البحر؟" ورد "السيد حامد": "يا باشا انتوا اللي عاملين كدة في البلد ، كدة حرام ، اتقوا الله فينا ، احنا عايشين في سرقة ونهب والبلد خربت ، حرام كدة ، البلد دي مش هتستمر عالوضع دة ، وعمرها ما هتطول على الوضع دة ، دة كيلو اللحمة وصل 100 جنيه ، أنا كراجل عامل أو حتى وزير أوكل عيالي منين وانتوا رايحين تبنوا قناة عشان ترفعوا الروح المعنوية .. هسفر ابني وارميه في البحر عشان معنديش دخل وانتوا مش شايلين عنا .. مفيش وظايف ... في سرقة في نهب .