الكالسيوم ”أسمنت النبات” أعراض نقصه وطرق العلاج.. تعرف عليها
عنصر الكالسيوم الرمز الكيميائي ( Ca )
الكالسيوم في التوصيف هو عنصر من العناصر الكبري
التأثير فهو من أهم العناصر الكبري المظلومه في الحديث عنها
بس مشكلته انه عايز سواق يسوق ييه علشان يدخل داخل النبات عايز مساعد يحركه لأنه عنصر بطيء الحركه
_________________
2 - الكالسيوم
عباره عن ايه عبارة عن ( الأسمنت ) بتاع النبات ايوه ليه لأنه هو
المسؤول عن بناء الجدار الخلوي يعني ثمره قويه
_________________
3 - الكالسيوم
يعمل علي المقاومه الفطريه والحشريه ازاي بص يا سيدي يدخل الكالسيوم فى تركيب هيكل النسيج الداخلي يتواجد داخل الساق فى صورة ماده اسمها ( بكتات الكالسيوم ) وهي خط الدفاع الأول لحماية النبات من الإصابات الفطريه والحشريه وبالأخص الحشرات الثاقبة الماصه مثل ( المن التربس الذبابه البيضاء ذبابة الفاكهه ) وذلك لأنه يلعب صلابة الأنسجة فيصعب علي الحشره والفطر اختراق هذا النبات وكمان يلعب دور مهم جدا في عملية تخزين الثمار مثل البطاطس والبصل
_________________
4 - الكالسيوم ينظم درجة حموضة الخلايا وهو المسؤول عن التوازن بين البوتاسيوم والصوديوم داخل الخليه النباتية وهذه النقطه مهمه جدا جدا جدا
ينشط كثيرا من الانزيمات
_________________
5 - ركز بقي في الجزئيه دي الله يباركلك
الكالسيوم عنصر يكاد يكون عديم الحركه علشان كده لازم حاجه تساعده للدخول داخل النبات عن طريق التربه علشان كده دائما يكون المنتج في صورة نترات كالسيوم دور النترات هنا دخول الكالسيوم داخل النبات ويحمل معاه الكالسيوم الي داخل النبات لأنه مش بيتحرك لوحده لازم حاجه تساعده على الحركه
أما عن طريق الرش الورقي دائما يكون كالسيوم وبورون مع بعض
وذلك لأن إلبورون يحمل الكالسيوم لدخوله داخل الثمار
وايضا كالسيوم ونيتروجين وهنا دور النيتروجين بردوا حمل الكالسيوم وتحريكه داخل النبات
يلعب دور كبير جدا في عدم تسقيط العقد والثمار
ويساعد إلبورون في عملية التلقيح لزيادة الأزهار وبالتالي زيادة الإنتاج
__________________
6 - طبعا انا دائما بقول ان اي عنصر بيزيد عن حد بيتقلب ضده
تخيل بقي انك لو زودت
( الماغنسيوم - البوتاسيوم - الصوديوم ) يحدث نقص كالسيوم
وكمان لو زودت التسميد
(البوتاسيوم ـ الفسفور ـ الزنك ـ المنجنيز ) تقلل من امتصاص الكالسيوم بدون ما تقصد
_________________
7 - أعراض النقص
أماكن ظهور الإصابة بتكون علي القمم النامية نادرآ جدآ ما تشوفوا علي الأوراق الكبيره القديمه
يحدث
تشوه الأوراق الحديثه وتجعد الأوراق مع وجود حروق لونها بني
تموت البراعم كلها لو عندك نقص كالسيوم
عفن الطرف الزهري هو مرض فسيولجي ولكنه في الأساس عن طريق نقص عنصر الكالسيوم وهو تلاقي الثمره كلها كويسه لاكن الطرف تلاقي فيه عفن وذلك لأن الكالسيوم لم يصل الي هذه المنطقه لأنه عنصر يكاد يكون عديم الحركه
والصور أمامكم أعراض النقص على معظم النباتات
نقطه مهمه جدآ جدآ جدآ
زي ما النقص بيعمل مشكله
أيضآ زيادة رش الكالسيوم في مشاكل ليه لأنه زي ما اتفقنا بطيء الحركه لو استخدمنا بدون وعي يتراكم كمية الكالسيوم المرشوش علي النبات وايضا يعمل مشاكل نتيجة الزياده
العنصر إذا زاد عن حده اتقلب ضدده
__________________
8 - الكالسيوم مهم جدآ في طرد الملوحه ازاي بص يا سيدي
الملوحه هي زيادة نسبة الصوديوم في التربه وجود الكالسيوم بكميات مناسبه أعلي من الصوديوم يوقف من امتصاص الكالسيوم
ومن هنا تيجي فكرة ان كل معالجات الملوحه شرط أساسي وجود عنصر الكالسيوم
الكالسيوم لايخلط نهائي في التربه غير مع
((((( نترات النشادر ----- حامض النيتريك )))))))))
نركز في النقطه دي علشان ما نفسدش التركيب بالخلط
يتواجد الكالسيوم في السوق في حالة التسميد في منتجات
ا - نترات كالسيوم
- سلفات الكالسيوم ( الجبس الزراعي الشيكاره الصفراء )
ويوجد في السوق في حالة الرش في منتجات
- كالسيوم بورون
- كالسيوم نيتروجين
- كالسيوم ماغنسيوم
- كالسيوم فوسفايت