الجمعة 29 مارس 2024 مـ 12:51 مـ 19 رمضان 1445 هـ
موقع الأرض
رئيس مجلس الإدارةخالد سيفرئيس التحريرمحمود البرغوثيالمدير العاممحمد صبحي

حلقات فنية وشرح ميداني بسيط يفيد المربين من أول يوم كتكوت إلى آخر يوم تسمين ترعاها IFT

”التغذية المبكرة” .. الخطوة العاشرة من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة العاشرة، وهي "التغذية المبكرة":

لسه عندنا وقت لحد ما نستلم الكتاكيت فتعالوا نتكلم في موضوع مهم جدا قتل بحثا في الدول المتقدمة في تربية الدواجن لتعزيز الأداء و تعظيم الانتاج و هو "التغذية المبكرة"
قبل مانقول فوائد التغذية المبكرة و قد ايه هي ضرورية جدا للبداية السليمة للكتكوت, لازم نعرف ان الأصل في الدواجن ان الفرخة الأم بتبيض و بترقد عالبيض لحد ما يفقس و بمجرد فقس البيض و خروج الكتكوت بتبتدي الأم تأكل الكتكوت, و دي من أهم الأسباب اللي بتخلي امتصاص كيس المح سريع جدا و بالتالي استجابة الطائر المناعية عالية و كمان قدرة امتصاص الامعاء للعلف عالية دا غير انه مفيش أي اجهاد عليه ولا بيجوع ولا بيعطش
لكن الوضع حاليا مع تطور صناعة الدواجن ان دفعة الكتاكيت بتخرج من الفقاسة و يتم عليها معاملات كتيرة من فرز, تجنيس (في قطعان البياض و الأمهات) , تحصين, انتظار في صالة التجهيز في المعمل, تذبذب في درجات الرطوبة و الحرارة, نقل في الاقفاص و كمان السفر لمسافات بعيدة... كل بيخلي الفترة بين خروج الكتكوت من البيضة لحد ما يبتدي ياكل و يشرب في المزرعة كبيرة جدا و في بعض الأحيان بتوصل ل 30 ساعة (في المتوسط)
ايه 30 ساعة من غير ما ياكل ؟! و كمان في المتوسط !!!!
اه طبعا ماتستغربش, هقوللك ازاي, بص يا سيدي
البيضة المخصبة في معمل التفريخ من أول دخولها ماكينات التفريخ لحد خروج الكتكوت بتقعد 21 يوم و خلالهم بتمر على مرحلتين : المرحلة الأولى التحضين و دي لمدة 18 يوم و بعد كدا البيض بيتنقل للفقاسات و يدخل المرحلة الثانية و هي الفقس و دي بتكون لمدة 3 أيام و في خلال ال 3 أيام دول مش كل الكتاكيت بتفقس مرة واحدة في كتاكيت بتنقر القشرة و بتفقس بدري و كتاكيت بتفقس متأخر و طبعا الكتكوت اللي نقر قشرة البيضة و فقس بدري دا الكتكوت اللي حيويته عالية
في مصطلح في الفقاسة اسمه هاتش ويندو (Hatch Window) و دا الوقت بين فقس أول كتكوت و فقس اخر كتكوت في البيض المرصوص في الفقاسة و خلينا نقوللك انه الهاتش ويندو في أحسن المعامل مع احسن الظروف بيكون 12 ساعة (في المتوسط)
يعني في كتكوت خرج من 12ساعة قبل ما باب الفقاسة يتفتح و خد بالك انه دا الكتكوت اللي حيويته عالية اللي نقر الأول
حط عليهم 3 ساعات فرز و طبعا دا نوع من الاجهاد
نزود عليهم 3 ساعات تحصين للدفعة في المعمل و دا كمان نوع من الاجهاد
نزود عليهم ساعة انتظار و تحميل في العربيات
يا سلام لو دفعة الكتاكيت رايحة الصعيد كمان زود عليهم 10 الى 12 ساعة في الطريق و دا كمان اجهاد
كدا عندنا من 30 الى 32 ساعة في المتوسط + الأجهاد اللي الكتاكيت اتعرضتله في الفرز و التحصين و النقل
طب دا هيعمل ايه في الكتكوت اللي كان المفروض الفرخة الأم تأكله أول ما يخرج من البيضة ؟
- اولا هيحصله في الفترة دي فقد في سوائل جسمه اللي احنا بنسميه جفاف
- ثانيا هيحصل تأخير في امتصاص كيس المح اللي هو مليان بالاجسام المناعية المورثة من الأم و ضروري تمتص في أول فترة من حياة الطائر
- ثالثا هيحصل تأخير في نمو خلايا الأمعاء
- رابعا وجود كيس المح من غير امتصاص بيساعد في نمو البكتيريا الضارة زي الاي كولاي و السالمونيلا فهتلاقي نسبة محترمة من التهابات السرة في القطيع و تضطر تستعمل جرعات عالية من المضادات الحيوية في أول أيام الدورة دا غير ان التجانس هيبوظ معاك
طب ايه الحل ؟؟
في اوروبا اشتغلوا على موضوع أهمية التغذية المبكرة و وصلوا ان بعض المعامل بتقدم علف للكتاكيت بمجرد خروجها من الفقاسة في المعمل لكن دا طبعا هيأثر على الامن الحيوي في المعمل بسبب وجود مادة عضوية زي العلف
و اتطور الموضوع ان بعض الشركات بتنقل البيض من الحضانة في معمل التفريخ للعنبر مباشرة عشان يفقس في العنبر فالكتكوت يخرج على العلف و المياه
و اتطور الموضوع مع تقدم التكنولوجيا اكتر و بعض الشركات عملت حقن لمحلول مغذي في البيضة عمر 18 يوم و هي بتتنقل من الحضانة للفقاسة
في مصر حلك الوحيد في التغذية المبكرة عشان تعلي من اداء الكتكوت و يوصلك زي ماطلع من الفقاسة من غير اجهاد ولا نقص وزن ولا جفاف هو "أفيبوست جيل"
"أفيبوست جيل" من انتاج شركة باير الألمانية
هو عبارة عن بلوكات جيل لونها أحمر لجذب الكتكوت عشان ياكل
نسبة الرطوبة فيها عالية عشان توصله تغذية و مياه
بتتقطع و تترص في الأقفاص و الكتكوت يقدر ياكل منها بمجرد خروجه من الفقاسة
الأهم انه بيحتوي على
كل الفيتامينات و الأملاح و المعادن و نسبة عالية من الأحماض الأمينية (البروتين) و الأحماض الدهنية يعني كتكوتك بيتحضن من المعمل
بيحتوي على بريبيوتيك (لتغذية البكتيريا النافعة في الأمعاء) فبكدا هتقلل من وجود البكتيريا الضارة و هتقلل جدا التهابات السرة اللي بتحصل في الفترة الأولى
بيحتوي على مرحلتين لانتاج الطاقة: جلكوز و سكريات معقدة و دا عشان الجلكوز سهل الامتصاص فيوصل الطاقة سريعا للكتكوت (و دي المرحلة الأولى) ... و السكريات المعقدة تطول مع الكتكوت شوية لحد ما يوصللك المزرعة بالسلامة (و دي المرحلة الثانية من الطاقة)
ماتتنازلش عن طلب "أفيبوست جيل" من شركة انتاج الكتاكيت عشان تبتدي بداية قوية و تلاقي استجابة مناعات قوية من الكتاكيت للقاحات اللي هتستعملها و كمان تفعل المناعة الأمية في الكتكوت و تستمتع بأداء يرضيك من الكتكوت طول الدورة

نتقابل البوست الجاي في

يوميات مربي دواجن
شتاء 2020


موضوعات متعلقة